28-08-2009 - -   Amigos da Terra recibe un demoledor informe, do Valedor do Pobo, sobre as graves deficiencias na canceira do Carballiño.(Vexa no final do artigo a noticias da prensa sobre o informe do Valedor do Pobo).

Artigo Orixinal:

26-08-2009 - Esta asociación vese na obriga de esixir ao Concello que aclare os insistentes rumores que, cada día con mais intensidade, circulan nesta Vila sobre o posible peche da canceira municipal, o que explicaría a presencia de cans abandonados polas rúas.

Unha posibilidade inquietante xa que viría a confirmar a falta de interese da actual corporación pólo ben estar dos animais cando os veciños e demais grupos políticos están reivindicando melloras no trato dos cans alí recollidos.

Non podemos aceptar que tal desfeita se leve a cabo porque probaría que esta obra, na que se gastou unha enorme cantidade de recursos, ao igual que outras obras que estamos vendo ultimamente, non terían sido levadas a cabo para atender necesidades da Vila e si para xustificar o gasto de elevadas subvencións a favor de outros intereses.

No podemos aceptar tampouco que se estea utilizando os animais de maneira mesquiña para represalias contra as persoas as que lle doe o seu sofremento ou porque puxeron en evidencia a incompetencia de quen debería atendelos.

Queremos saber por que aínda non se organizou a fundación que debería levar a canceira a partir do mes de xuño, conforme se acordou en pleno e que tería solucionado os problemas de atendemento dos animais e descargado ao concello dunha responsabilidade que é incapaz de atender.

Parécenos unha burla aos veciños e un desprezo as normas democráticas que non se respectara ese acordo do pleno nin tampouco o que, por unanimidade, se tomou para crear unha comisión de investigación que aclarara as contas e inversión feitas, así como a morte violenta dos cans alí recollidos.

O posible peche da canceira, ademais, sería un insulto contra a sensibilidade de tódolos que desexamos unha vida digna para os animais abandonados, para os que queremos procurarlles un abrigo mentres esperan unha adopción e para os que esperamos que os fondos públicos sexan utilizados para mellorar a calidade de vida nesta Vila e non como desculpa para beneficio de terceiros.

Esiximos aos demais grupos políticos que tomen as medidas que corresponda para atallar os abusos, arbitrariedades e  deficiencias democráticas que veñen acontecendo ultimamente no Carballiño.

Parécenos decepcionante que, por culpa de incomprensibles manexos políticos que en nada benefician aos veciños desta Vila, nada se faga contra o deterioro da vida democrática e as actitudes arbitrarias que vemos a diario.

Pensamos que os grupos políticos deben esixir o cumprimento dos acordos tomados ou escusar a súa asistencia a plenos que non serven para nada.

Pedimos que se aclare, mediante un pleno especial ou os mecanismos oportunos, se está sendo proxectado o peche da canceira municipal co conseguinte desperdicio dos voluminosos fondos alí invertidos.

Mais información:

http://www.ourensedixital.com/_novas/09/08/31_02.htm

http://www.lavozdegalicia.es/ourense/2009/08/29/0003_7935226.htm
Valedor do Pobo- Amigos da Terra.

http://www.lavozdegalicia.es/ourense/2009/08/27/0003_7930829.htm

http://www.ourensedixital.com/_novas/09/08/27_01.htm

http://copecarballino.es/novas/asociaci%C3%B3n-matar-por-matar-non-p%C3%...

http://www.ourensedixital.com/_novas/09/08/26_01.htm