24-08-2009 - Continua o desfile de noticias que confirman a inmoralidade dos que están dispostos a rematar co medio ambiente e coa vida neste planeta, coa única intención de gañar cartos.

É inaudito que estamos asistindo impasibles á desfeita que nos vai afectar a todos, sen que ninguén mova un dedo para deter a catástrofe que xa está mais que prevista polos diversos informes científicos emitidos e que confirman, entre outras barbaridades, que o Ártico vai perder a capa de xeo no ano 2015 ou que a selvas de Borneo desaparecerán no mesmo ano.

Seguen a falar do cambio climático como se fora algo natural e inevitable, que non é posible eludir, que non podemos nin debemos deter de inmediato e co que deberemos convivir para que, os miserables que o ocasionaron e que seguen a agravalo, poidan continuar gañando cada día mais cartos.

Incluso temos, no Ministerio de Medio Ambiente, unha “Secretaría General para la Prevención de la Contaminación y del Cambio Climático”. Noutras verbas, que non teñen intención algunha de parar o desastre ou de loitar para impedilo.

Foi ocasionado por criminosos perfectamente identificables pero que están, tanto eles como os seus beneficios, por encima das leis.

Asistimos á transformación do noso sistema fluvial en unha verdadeira rede de cloacas, debido ao seu abandono e a o sistemático vertido de residuos nos seus cauces, envelenando as augas que transportan e que son a fonte da vida neste planeta.

Mentres, seguen a nos recomendar o aforro de auga, cando tódolos recursos económicos do País van parar ás mans de constructoras, bancos e industria contaminante do automóbil, sen que se dedique un solo centavo ao que debería ser a intervención mais importante e prioritaria, o saneamento das nosas augas.

Somos o segundo país mais endebedado do mundo, despois de EE.UU e por encima de Inglaterra á que superamos no dobro de débeda, falase de aumentar os impostos para cubrir o déficit público, cavilan en reducir ou conxelar salarios de funcionarios, seica van faltar cartos para pagar as pensións no futuro e están pensando tamén en reducir o seu importe aumentando o tempo de cotización.

Pero para o que non faltan cartos é para obras megalómanas, como autopistas e AVE, xa que deses fondos viven os poderosos do mundo que teñen contratados a tódolos partido políticos que nos gobernan.

Non temos visto que entrara no cárcere ningún dos responsables polas multinacionais que están envelenando o noso  aire, a nosa auga así como o medio que permitiu a vida neste planeta durante centos de milleiros de anos.

Continúan as previsións de que a desfeita siga “crecendo” xa que, conforme indicamos noutro artigo, non se conforman con o que están destruíndo ao día de hoxe e proxectan aumentar a desfeita, as vendas, os beneficios, a facturación e a destrucción, cada ano mais. Queren continuar o crecemento económico. Queren aumentar o ritmo de transformación dos recursos naturais en cartos e despois en lixo.

Seguen a ser presentados proxectos que nos indican que teñen previsto aumentar esa destrucción, como por exemplo o aumento de embalses, por parte de Iberdrola, para xerar mais enerxía que, evidentemente é necesaria para transformar os recursos naturais en bens de consumo, con o que pasamos a saber que, o que se produce hoxe en día, parécelles pouco e queren producir e vender mais.

Como non podería deixar de ser, as empresas responsables da desfeita apelan aos famosos “postos de traballo” que tal desatino vai crear na rexión, nunha actitude inmoral e nauseabunda, atenta solo aos seus intereses, que desde logo non son o ben estar da rexión, nin os postos de traballo para os veciños e si o seu lucro. Postos de traballo que, conforme consta na noticia, cando foi inaugurada empregaba a mais de 2.000 traballadores é que hoxe están na rúa debido á automatización de tarefas.

Seguen a encher os nosos montes de muíños, que afean a paisaxe e a privatizan para beneficiarse do desatino. Usurpan, para o seu lucro, a beleza natural das nosas montañas. Enerxía limpa din, pero seguen ampliando o período de funcionamento da central mais contaminante de España e que está na nosa Terra. A central térmica de As Pontes.

Por certo e para información de ilusos, sendo a mais contaminante solo creou 300 “postos de traballo”, en cambio arruinou a tódolos veciños que hoxe ven como as súas propiedades non valen nada por culpa da contaminación da zona.

Xa están a falar incluso de retomar o debate sobre voltar á enerxía atómica, co fin de poder subministrar a enerxía que compre para continuar coa desfeita. Parece que confian en que a xente teña esquecido o terrible accidente de Chernobil, que aínda ten envelenada unha enorme superficie de Rusia e onde seguen a morrer e a sufrir as consecuencias, as persoas afectadas.

Pensan no lucro, obvian os riscos e confían na falta de memoria da xente para poñer en perigo a nosa saúde, a nosa vida e a vida en xeral con tal de que eles gañen cada día mais. Repítense polo mundo os casos de envelenamento de milleiros de persoas e do medio natural, sen que lles pese para nada nas súas conciencias, solo queren que sexa esquecido canto antes para que eles poidan continuar destruíndo, envelenando e pondo en risco a integridade dos demais para gañar cartos.

Sobran casos como Aznalcóllar e Bopal. Dúas desfeita, entre outras, que seguen impunes.

Ibertrola nauseabundo e inmoral argumento:
http://www.abc.es/20090822/galicia-galicia/iberdrola-generara-empleos-para-20090822.html

Espoliadores da Ribeira Sacra:
http://www.xornal.com/artigo/2009/08/23/galicia/espoliadores-da-ribeira-sacra/2009082321055519681.html

Fin xeo artico:
http://www.europapress.es/epsocial/noticia-oceano-artico-no-tendra-hielo-verano-alrededor-ano-2015-experta-20090731133721.html

Remendos en As Pontes:
http://www.vieiros.com/nova/75978/endesa-remata-a-obra-que-permitira-explotar-25-anos-a-principal-termica-do-pais

Debeda países do mundo:
https://www.cia.gov/library/publications/the-world-factbook/rankorder/2187rank.html

Vertidos nas rías:
http://www.elpais.com/articulo/Galicia/Controlar/lluvia/sanear/rias/elpepuespgal/20090824elpgal_8/Tes

Augas sen depurar en Galicia:
http://www.lavozdegalicia.es/galicia/2009/08/24/0003_7925587.htm

Vertidos nos ríos:
http://www.laregion.es/noticia/100408/carballi%C3%B1o/vertido/aguas/fecales/arenteiro/aquagest/
http://www.xornal.com/artigo/2009/08/22/galicia/vertidos-rias-rios-deben-mal-estado-depuradoras/2009082220482365811.html